Scan & Get our app!
Get our app!
Download our app and stay connected on the go.
Scan & Get our app!
Scan QR-code to download our app and stay connected on the go.

EURUSD ຟື້ນຕົວຕໍ່ຈາກຈຸດຕ່ຳສຸດໃນຮອບ 19 ເດືອນ ໂດຍຂຶ້ນມາເຖິງລະດັບ 61.8% Fibonacci Expansion (FE) ຂອງການເຄື່ອນໄຫວຈາກທ້າຍເດືອນກັນຍາ 2021 ຫາຕົ້ນເດືອນມັງກອນ 2022 ໃນຂະນະທີ່ນັກຊື້ຂາຍລໍຖ້າການຕັດສິນໃຈດ້ານນະໂຍບາຍການເງິນຂອງທະນາຄານກາງເອີຣົບ (ECB). ເນື່ອງຈາກອັດຕາເງິນເຟີ້ທີ່ສູງໃນໄລຍະຜ່ານມາ ແລະອັດຕາການຫວ່າງງານໃນເຂດເອີຣົບທີ່ຕ່ຳເປັນປະຫວັດການ ຝ່າຍທີ່ສະໜັບສະໜູນນະໂຍບາຍເຂັ້ມງວດມີແນວໂນ້ມຈະມີອິດທິພົນຫຼາຍກວ່າ. ສິ່ງນີ້ອາດຊ່ວຍດັນຄູ່ເງິນຕາຫຼັກໃຫ້ທະລຸແນວຕ້ານໃກ້ສຸດ ຄືລະດັບ 50-day EMA ບໍລິເວນ 1.1340. ແຕ່ການບັນຈົບກັນຂອງ 100-day EMA ແລະເສັ້ນແນວຕ້ານທີ່ມີມາ 14 ອາທິດ ບໍລິເວນ 1.1430-35 ຈະເປັນດ່ານສຳຄັນທີ່ຕ້ອງຜ່ານ ເພື່ອຢືນຢັນແນວໂນ້ມຂາຂຶ້ນໃນໄລຍະສັ້ນ.
ໃນທາງກົງກັນຂ້າມ ຖ້ອຍຖະແຫຼງຂອງ ECB ທີ່ຜ່ອນຄາຍກວ່າຄາດ ອາດດັບຄວາມຫວັງຂອງຝ່າຍຊື້ EURUSD ແລະດຶງລາຄາກັບລົງໄປຫາຈຸດຕ່ຳສຸດໃນເດືອນພະຈິກ 2021 ທີ່ປະມານ 1.1185. ໃນລະຫວ່າງທີ່ລາຄາປັບລົງ ລະດັບ 1.1300 ແລະ 1.1230 ອາດເປັນແນວຮອງຮັບກ່ອນທີ່ລາຄາຈະລົງຫາລະດັບ 61.8% FE ທີ່ປະມານ 1.1125. ຫາກຝ່າຍຂາຍຂອງຄູ່ເງິນຕາຍັງຄວບຄຸມທິດທາງໄດ້ເມື່ອລາຄາຫຼຸດຕ່ຳກວ່າ 1.1125 ຈຸດສູງສຸດໃນຕົ້ນເດືອນພຶດສະພາ 2020 ບໍລິເວນ 1.1020 ຈະຢຸດການປັບລົງ ກ່ອນທີ່ລາຄາຈະມຸ່ງຫາລະດັບຈິດວິທະຍາ 1.1000.
ຄາດກັນຢ່າງກວ້າງຂວາງວ່າ ECB ຈະຄົງອັດຕາດອກເບ້ຍນະໂຍບາຍຫຼັກໄວ້ທີ່ 0.0% ແລະຄົງໂຄງການຊື້ສິນຊັບລາຍເດືອນ (APP) ໄວ້ທີ່ 20 ຕື້ເອີໂຣ. ຄວນສັງເກດວ່າ ໃນການປະຊຸມຄັ້ງກ່ອນ ECB ປະກາດວ່າພ້ອມຈະຢຸດໂຄງການຊື້ສິນຊັບສຸກເສີນເພື່ອຮັບມືກັບໂລກລະບາດ (PEPP) ໃນເດືອນມີນາ. ເພື່ອໃຫ້ການປ່ຽນຜ່ານເປັນໄປຢ່າງລາບລື່ນ ທະນາຄານກາງຂອງກຸ່ມປະເທດນີ້ຍັງໄດ້ປະກາດເພີ່ມ APP ໃນໄຕມາດ 2 ແລະໄຕມາດ 3 ເປັນ 40 ຕື້ເອີໂຣ ແລະ 30 ຕື້ເອີໂຣຕາມລຳດັບ.